དེ་རིང་ཕྱི་ལོ་ ༢༠༢༤ ཟླ་ ༣ ཚེས་ ༢༦ ཉིན་གྱི་སྔ་དྲོར་ལ་དྭགས་དགོན་ཚོགས་ཀྱི་ཚོགས་གཙོ་རྒན་དབང་འདུས་མཆོག་དང་ལ་དྭགས་ནང་ཚོགས་ཀྱི་ཚོགས་གཙོ་སྐུ་ཞབས་རིག་འཛིན་མཆོག། ལ་དྭགས་ཨ་མ་ཚོགས་པའི་ཚོགས་གཙོ་དབྱངས་ཅན་མཆོག་དབུས་སྐུ་ཚབ་གཞན་གཉིས་བཅས་གཞོན་ལྷན་ཡིག་ཚང་དུ་གདན་ཞུས་དང་། ཞལ་ལག་འདེགས་འབུལ་སོགས་ཞུས་གནང་གིས་ལ་དྭགས་ཀྱི་འཛིན་སྐྱོང་འབྲེལ་ཡོད་ཡོངས་ནས་བོད་ཀྱི་བདེན་པའི་འཐབ་རྩོད་ལ་གདུང་སེམས་མཉམ་སྐྱེད་ཀྱིས་བོད་མིར་རྒྱབ་སྐྱོར་རོགས་རམ་གང་ལེགས་གནང་བར་བཀའ་དྲིན་ཆེ་ཞུས་ཡོད་པ་མ་ཟད། མ་འོངས་པར་ཡང་བོད་ཀྱི་ནང་བསྟན་འཛིན་སྐྱོང་སྤེལ་གསུམ་གཙོས་བོད་དོན་དྲིལ་བསྒྲགས་ཀྱི་ལས་དོན་ལ་སྔར་ལྷག་རྒྱབ་སྐྱོར་གནང་སྐྱོང་ཡོང་བའི་རེ་སྐུལ་ཡང་ཞུ་རྒྱུ་བྱུང་ཡོད།