རྒྱལ་སྤྱིའི་སྤྱི་ཚོགས་གཞོན་ནུའི་ཚོགས་འདུར་ཆེད་བཅར།
བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་མགོན་པོ་དོན་གྲུབ་མཆོག་ཕྱི་ལོ་ ༢༠༢༡ ཟླ་ ༡༠ པའི་ཚེས་ ༢༠ ནས་ ༢༢ བར་ཉིན་གཉིས་རིང་ཡོ་རོབ་རྒྱལ་ཁབ་སུཝི་ཌེན་ (Sweden) དུ་རྒྱལ་སྤྱིའི་སྤྱི་ཚོགས་གཞོན་ནུ་ཡིས་སྐོང་ཚོགས་ཞུས་པའི་རྒྱལ་སྤྱིའི་ཚོགས་འདུར་ཆེད་བཅར་གྱིས། རྒྱལ་ཁབ་ཁག་ ༡༣ ཙམ་ནས་ཕེབས་པའི་ཚོགས་བཅར་བ་ཚོར་བོད་ནང་གི་ཛ་དྲག་གནས་སྟངས་གཙོས་གཞོན་ལྷན་གྱི་ལས་འགུལ་སྤེལ་ཕྱོགས་སོགས་ཀྱི་ཐད་གཏམ་བཤད་སྤེལ་གནང་མཛད་པ་དང་། ཉིན་གཉིས་བར་ཚོགས་གཙོ་མཆོག་ནས་རྒྱལ་སྤྱིའི་སྤྱི་ཚོགས་གཞོན་ནུ་ (International Union of Socialist Youth) དང་། (International Federation of Liberalist Youth) གཉིས་ནས་ཟུང་སྦྲེལ་གྱི་གོ་སྒྲིག་ཞུས་པའི་བགྲོ་གླེང་གཏམ་བཤད་ནང་མཉམ་ཞུགས་ཀྱིས་བོད་ནང་གི་ཁོར་ཡུག་གི་ཛ་དྲག་གནས་སྟངས་དང་། བོད་ནང་གི་ཁོར་ཡུག་སྲུང་སྐྱོབ་བྱ་རྒྱུའི་གལ་གནད་སོགས་ཀྱི་ཐད་རྒྱལ་ཁབ་ ༢༤ ཙམ་གྱི་ཚོགས་བཅར་བ་ཚོར་གོ་རྟོགས་གང་ལེགས་སྤེལ་ཐུབ་པ་བྱུང་ཡོད།