བྱང་ཨ་རིའི་ས་གནས་གཞོན་ལྷན་ཁག་གི་འགན་ལྷན་ཐེངས་ ༡༩ པ།
དེ་ཡང་འགན་ལྷན་ཐེངས་ ༡༨ པའི་གྲོས་ཆོད་གཞིར་བཞག་ཐོག་བྱང་ཨ་རིའི་ས་གནས་གཞོན་ལྷན་སན་ཧྤ་རན་སིས་ཁོ་(RTYC San Francisco) ཡིས་གོ་སྒྲིག་འོག་བོད་ཀྱི་གཞོན་ནུ་ལྷན་ཚོགས་ཀྱི་བྱང་ཨ་རིའི་ས་གནས་གཞོན་ལྷན་ཁག་གི་འགན་ལྷན་ཐེངས་ ༡༩ པ་དེ་བཞིན་ཕྱི་ལོ་ ༢༠༢༡ ཟླ་ ༡༡ ཚེས་ ༢༥ ནས་ ༢༧ བར་ཉིན་གྲངས་གསུམ་རིང་བྱང་ཨ་རིའི་སན་ཧྤ་རན་སེ་སུ་ཁོ་རུ་ཚོགས་གཏན་འཁེལ་བ་བཞིན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་མགོན་པོ་དོན་གྲུབ་ལགས་བྱང་ཨ་རིའི་ཁུལ་གྱི་གཞོན་ལྷན་གྱི་འགན་འཛིན་ལྷན་ཚོགས་ཐེངས་ ༡༩ པའི་གཙོ་སྐྱོང་དུ་སྤྱི་ཟླ་ ༡༡ ནང་ཕྱག་རོགས་གཞོན་ལྷན་སྤྱི་ཁྱབ་སྒྲིག་འཛུགས་འགན་འཛིན་སྤེན་པ་ཚེ་རིང་དང་ལྷན་རྒྱ་གར་རྒྱལ་ས་ལྡི་ལི་བརྒྱུད་ཕེབས་ཐོན་གྱིས་བྱང་ཨ་རིའི་སན་ཧྥ་རན་སིའི་ས་གནས་གཞོན་ནུའི་ཚོགས་གཙོ་བློ་བཟང་ལགས་དང་།
ལས་འཆར་འགན་འཛིན་ངག་དབང་ལགས་ནས་ཕེབས་བསུའི་སྣེ་ལེན་དང་བཅས་འགན་ལྷན་ཐེངས་ ༡༩ པའི་མཛད་སྒོར་ཆེད་བཅར་གནང་ཡོད་པ་དང་། སྐབས་དེར་དབུ་འབྱེད་འཛད་སྒོའི་ཐོག་སྐུ་མགྲོན་གཙོ་བོར་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཟུར་པ་དང་། ལྷོ་བྱང་ཨ་མེ་རི་ཁའི་བོད་མི་མང་སྤྱི་འཐུས་བསྟན་འཛིན་འཇིགས་མེད་ལགས་ཕེབས་ཡོད་པ་དང་། དེ་བཞིན་བྱང་ཨ་རིའི་ཁུལ་གྱི་གཞོན་ལྷན་ས་གནས་ཁག་དྲུག་གི་སྐུ་ཚབ་ཚོགས་བཅར་བ་བཅས་མཉམ་ཞུགས་ཀྱིས་མཛད་གོའི་ལས་རིམ་ཁག་ལེགས་པར་གྲུབ་རྗེས་འགན་ལྷན་ཐེངས་ ༡༩ པའི་བརྗོད་གཞི་ཁག་གི་ཐོག་ཉིན་གྲངས་གསུམ་རིང་བགྲོ་གླེང་གོ་བསྡུར་རིམ་བྱས་ཀྱིས་གྲོས་གཞི་དོན་ཚན་ ༡༠ ཡི་ཐོག་གྲོས་ཆོད་དོན་ཚན་ ༢༢ གཏན་འབེབས་བྱུང་ཡོད། ཉིན་མཐའ་མར་དམིགས་བསལ་ཡུ་གུར་དང་། ཧོང་ཀོང་། ཐའེ་ཝན། ནང་སོག་གི་འཐབ་རྩོད་པ་རྣམས་དང་། རྒྱ་རིགས་མང་གཙོ་དོན་གཉེར་བ་སོགས་གདན་ཞུས་ཀྱིས་འཐབ་རྩོད་དང་འབྲེལ་བའི་བགྲོ་གླེང་གོ་བསྡུར་སྦྱང་བཤད་གང་ལེགས་བྱུང་ཡོད།
