ཕྱི་ལོ་ ༢༠༢༦ ལོའི་ཟླ་ ༡ ཚེས་ ༢༠ ཉིན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་རིང་ཆོས་འཕེལ་ལགས་དང་། ཚོགས་གཞོན་བཀྲ་ཤིས་དར་རྒྱས་ལགས་རྣམ་གཉིས་ཀྱིས་རྒྱ་གར་གྱི་རྒྱལ་ས་ལྡི་ལིར་ཡོད་པའི་ཐའེ་ཝན་གྱི་དཔལ་འབྱོར་དང་རིག་གཞུང་ལྟེ་གནས་ཁང་ (ཐའེ་ཝན་གཞུང་ཚབ་ཁང་) ཆེད་བཅར་གྱིས་སྐུ་ཚབ་དོན་གཅོད་མུ་མིན་ཅེན་དང་ལས་རོགས་དང་བཅས་མཇལ་འཕྲད་ཀྱིས་ཕྱོགས་གཉིས་ཀའི་གནད་དོན་་མང་པོར་ཕན་ཚུན་བགྲོ་གླེང་བྱས་ཏེ་བཀའ་མོལ་ལྷུག་པོ་བྱུང་ཡོད། སྐུ་ཚབ་དོན་གཅོད་མུ་མིན་ཅེན་གྱིས་ཐའེ་ཝན་གཞུང་ནས་བོད་ཀྱི་གནད་དོན་ཐོག་མུ་མཐུད་རྒྱབ་སྐྱོར་གནང་རྒྱུ་ཡིན་པར་བརྗོད་པ་དང་། ཐའེ་ཝན་དང་བོད་གཉིས་དབར་གྱི་འབྲེལ་བ་སྔར་ལས་གོང་འཕེལ་གཏོང་དགོས་པའི་གལ་ཆེའི་རང་བཞིན་གྱི་གྲོས་བསྡུར་བྱུང་ཡོད། ཕྱོགས་གཉིས་ཀས་མ་འོངས་པར་མཉམ་ལས་དང་མཐུན་སྒྲིལ་སྔར་ལས་གོང་འཕེལ་གཏོང་རྒྱུའི་གལ་གནད་ཡིན་པའི་སྐོར་གྲོས་བསྡུར་ལྷུག་པོ་བྱུང་ཡོད།

ཕྱི་ལོ་༢༠༢༦ ལོའི་ཟླ ་༡ ཚེས་ ༡༠ ཉིན། བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཟུང་དྲུང་ངག་དབང་དཔལ་འབྱོར་ལགས་ཀྱིས་ནུབ་བྷེང་གལ་ཀོལ་ཀ་ཊ་ཝེ་ལིང་ཊོན་བོད་ཀྱི་ཚོང་ར་ལ་གཟིགས་སྐོར་གནང་སྟེ། ཟླ་ ༡ ཚེས་ ༨ ཉིན་ཕྱི་དྲོའི་ཆུ་ཚོད་ ༣ ཙམ་ལ་ཝེ་ལིང་ཊོན་བོད་ཀྱི་དགུན་ཁའི་ཚོང་རར་མེ་སྐྱོན་བྱུང་བའི་རྗེས་སུ་རྒྱབ་སྐྱོར་དང་གདུང་སེམས་མཉམ་སྐྱེད་གནང་། མེ་སྐྱོན་དེས་བོད་མི་ཁྱིམ་ཚང་ ༡༢ ཀྱི་འཚོ་བར་གནོད་སྐྱོན་ཚབས་ཆེན་བཟོས་ཡོད་པའི། བོད་ཀྱི་གཞོན་ནུ་ལྷན་ཚོགས་ཀྱིས་བོད་མི་མང་དང་མཉམ་དུ་ལངས་ཏེ། དགོས་མཁོ་བྱུང་ཚེ་སྤྱི་ཚོགས་ལ་རྒྱབ་སྐྱོར་བྱ་རྒྱུའི་ཆོད་སེམས་བརྟན་པོ་ཡོད།

བོད་ཀྱི་གཞོན་ནུ་ལྷན་ཚོགས་ཀྱིས་ཕྱི་ལོ་ ༢༠༢༥ ཟླ་ ༡༢ ཚེས་ ༢༦ ནས་ ༣༠ བར་ས་ལུ་གྷ་རའི་ཆོལ་ཁ་སུམ་ཚོགས་ཁང་དུ་བོད་ཀྱི་ན་གཞོན་འགོ་ཁྲིད་ཀྱི་སྦྱོང་བརྡར་ཐེངས་ ༢༢ པ་འགོ་འཛུགས་གནང་ཡོད། ཐེངས་འདིའི་འགོ་ཁྲིད་སྦྱོང་བརྡར་ནང་རྒྱ་གར་རྒྱལ་ཡོངས་ནས་བོད་རིགས་གཞོན་སྐྱེས་སློབ་ཕྲུག་གྲངས་ ༤༧ ཙམ་མཉམ་ཞུགས་ཀྱིས་ཉིན་གྲངས་ལྔའི་རིང་ཆེད་ལས་མི་སྣ་གདན་ཞུས་ཀྱིས་འགོ་ཁྲིད་ཀྱི་ནུས་པ་སྐྱེ་སྲིང་ཡོང་ཐབས་དང་འབྲེལ་བརྗོད་གཞི་འདྲ་མིན་ཐོག་གསུང་བཤད་ཀྱིས་འགོ་ཁྲིད་སྦྱོང་བརྡར་གྱི་ལས་གཞི་དེ་བཞིན་གང་ལེགས་བྱུང་ཡོད།

རྒྱ་དམར་སྲིད་གཞུང་གིས་ཉེ་ཆར་ཁམས་རྫ་ཆུ་ཁར་གསེར་གྱི་གཏེར་ཁ་སྔོག་འདོན་སྐབས་བོད་མི་གྲངས་ ༨༠ འཛིན་བཟུང་གི་ཛ་དྲག་གནས་བབ་ལ་བོད་ཀྱི་གཞོན་ནུ་ལྷན་ཚོགས་དང་གཞུང་འབྲེལ་མ་ཡིན་པའི་ཚོགས་པ་ཁག་བཞིའི་ཉིན་སྐྱོང་ཅིག་ངོ་རྒོལ་སྐྱོན་བརྗོད་ལས་འགུལ་གྱི་བརྙན་ཐུང།

རྒྱ་གར་རྒྱལ་ས་ལྡི་ལིར་དགུན་དུས་གྲོས་ཚོགས་(Winter session)དུས་སྐབས་སུ་བོད་ཀྱི་གཞོན་ནུ་ཚོགས་པའི་དྲུང་ཆེ་བསྟན་འཛིན་བློ་བཟང་མཆོག་དང་། དྷ་རམ་ས་ལར་ཡོད་པའི་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་ལྷན་རྒྱ་གར་གྲོས་ཚོགས་འཐུས་མི་གང་མང་མཇལ་རྒྱུའི་འབད་བརྩོན་ཐོག་དོན་མཚན་བཞི་ཅན་གྱི་ཞུ་འབོད་དང་བཅས་གྲོས་ཚོགས་འཐུས་མིར་དོན་མཚན་དེ་དག་གྲོས་ཚོགས་སྐབས་སུ་གྲོས་གཞིར་གླེང་སློང་དང་གྲོས་ཆོད་གཏན་འབེབས་ཡོང་སླད་རེ་བ་དང་འབོད་སྐུལ་ཞུ་བཞིན་ཡོད། ད་བར་རྒྱ་གར་གྲོས་ཚོགས་ཚོགས་མི་དགུ་མཇལ་བར་གྲོས་ཚོགས་མཐུན་མི་ཚང་མས་རྒྱབ་བསྐྱོར་བཤུགས་ཆེར་བྱུང་བ་དང་། ད་དུང་ཡང་གྲོས་ཚོགས་འཐུས་མི་མང་པོ་མཇལ་ཐུབ་པའི་རེ་བ་དང་འབད་བརྩོན་ཞུ་བཞིན་ཡོད།

ཕྱི་ལོ་ ༢༠༢༥ ཟླ་ ༡༢ ཚེས་ ༡༢ ཉིན་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཁང་དུ་ཉེ་ཆར་གཞིས་ཀ་རྩེ་ལ་རྒྱ་ནག་གཞུང་གིས་བསྐོ་བཞག་བྱས་པའི་རྒྱལ་མཚན་ནོར་བུ་ཡིས་མ་འོངས་པར་༧གོང་ས་མཆོག་གི་ཡང་སྲིད་ངོས་འཛིན་དེ་རྒྱ་ནག་གཞུང་གི་ཁྲིམས་ལུགས་གཞིར་བཟུང་བྱེད་དགོས་ཚུལ་བརྗོད་པ་དེར་ངོ་རྒོལ་གྱི་བསྒྲགས་གཏམ་ཞིག་སྤེལ་ཡོད།

Rebuttal statement (Tib)      Rebuttal statement (Eng)