༄༅། །ཕྱི་ལོ་ ༢༠༢༤ ཟླ་ ༠༢ ཚེས་ ༢༢ ནས་ཚེས་༢༥ ཉིན་གྲངས་གསུམ་རིང་སྦེལ་ཇམ་དུ་རང་གཞུང་དབུས་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་གོ་སྒྲིག་འོག་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་དགུ་པར་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་མགོན་པོ་དོན་གྲུབ་མཆོག་མཉམ་ཞུགས་གནང་ཡོད། ཚོགས་འདུར་དབུས་བོད་མིའི་སྒྲིག་འཛུགས་ཀྱི་དབུ་ཁྲིད་དབུས་རྒྱལ་ཁབ་ ༤༢ ནས་ཚོགས་བཅར་བ་ ༡༧༠ ལྷག་མཉམ་ཞུགས་ཀྱིས་བོད་ནང་གི་ཛ་དྲག་གནས་སྟངས་ཐོག་གོ་བསྡུར་སྦྱང་བཤད་དང་། རྒྱལ་སྤྱིའི་ནང་བོད་དོན་ལས་འགུལ་སྔར་ལྷག་རྒྱ་ཆེ་བ་སྤེལ་ཕྱོགས་ཐད་གོ་བསྡུར་ཐག་གཅོད་བྱུང་ཡོད།