མོན་གྷོ་ས་གནས་གཞོན་ལྷན་གྱི་ ༥༠ དུས་དྲན་སྲུང་བརྩིའི་མཛད་སྒོར་མཉམ་ཞུགས།
བོད་རྒྱལ་ལོ་ ༢༡༤༨ སྤྱི་ལོ་ ༢༠༢༢ ཟླ་ ༢ ཚེས་ ༢༤ ཉིན་གཞོན་ལྷན་སྤྱི་ཁྱབ་ཚོགས་གཙོ་མགོན་པོ་དོན་གྲུབ་ལགས་མོན་གྷོ་ས་གནས་གཞོན་ལྷན་གྱི་ ༥༠ དུས་དྲན་སྲུང་བརྩིའི་མཛད་སྒོར་སྐུ་མགྲོན་གཙོ་བོར་གདན་ཞུས་སྟར་ཆེད་བཅར་གྱིས་མཛད་སྒོར་གཞོན་ལྷན་སྒྲིག་འཛུགས་ཀྱི་གལ་གནད་རང་བཞིན་ཐོག་གཏམ་བཤད་སྤེལ་ཡོད་པ་མ་ཟད། ཕྱི་ཚེས་ ༢༦ ཉིན་ཚོགས་གཙོ་མཆོག་ནས་གཞོན་ནུའི་གོ་སྒྲིག་འོག་ས་གནས་ཚོགས་མི་རྣམས་ལ་བོད་ནང་གི་ཛ་དྲག་གནས་སྟངས་དང་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ངོ་སྤྲོད་ཞེས་པའི་བརྗོད་གཞིའི་ཐོག་བཀའ་སློབ་དང་མི་མང་གི་དྲི་བར་ལན་འདེབས་གསལ་བཤད་གང་ལེགས་བྱུང་སྟེ། ཉིན་རྒྱབ་ཕྱག་ཚོད་ ༣:༠༠ པ་ནས་བར་ལམ་མོན་གྷོ་ས་གནས་གཞོན་ནུ་རུ་ཁག་ ༩ ཡོད་པའི་ནང་ནས་རུ་ཁག་ ༢ པ་དང་ ༤ པར་དཀའ་ངལ་ཕྲན་བུ་ཡོད་པ་རྣམས་གཙང་སེལ་གྱིས་ལས་དོན་ལེགས་གྲུབ་ཀྱི་གཏམ་བཟང་གནས་ཚུལ་བྱུང་ཡོད།