ཕྱི་ལོ་ ༢༠༢༣ ཟླ་ ༧ པའི་ཚེས་ ༥ ཉིན་གྱི་ཉིན་རྒྱབ་ཐེ་ཝན་གྲོས་ཚོགས་འཐུས་མི་དང་ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཞོན་སྐུ་ཞབས་སུ་ཧན་མཆོག་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་ལས་ཁུངས་སུ་ཆེད་ཕེབས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དྲུང་ཆེ་དང་གཞུང་འབྲེལ་མིན་པའི་ཚོགས་པ་ཆེ་ཁག་བཞིའི་སྐུ་ཚབ་ཚོར་ཐུག་འཕྲད་གནང་ཡོད་པ་མ་ཟད། ཚོགས་པ་སོ་སོའི་དམིགས་ཡུལ་དང་ངོ་བོ། དེ་བཞིན་བོད་ཀྱི་བདེན་པའི་འཐབ་རྩོད་ཐད་ལས་འགུལ་སྤེལ་ཕྱོགས་དང་། བོད་ཀྱི་གནད་དོན་ནི་བོད་ཙམ་མ་ཡིན་པར་ཨེ་ཤེ་ཡའི་རྒྱལ་ཁབ་ཁག་གི་བདེ་འཇགས་གཙོས་པའི་འཛམ་གླིང་སྤྱིའི་ཞི་བདེ་དང་བརྟན་ལྷིང་སོགས་ལ་གལ་ཆེ་ཡིན་པའི་གནད་དོན་སོགས་ཀྱི་ཐད་གོ་བསྡུར་ལྷུག་པོ་ཞུ་རྒྱུ་བྱུང་ཡོད།
