ཕྱི་ལོ་ ༢༠༢༦ ཟླ་བ་ ༡ ཚེས་ ༢༢ ཉིན་བོད་མིའི་སྒྲིག་འཛུགས་ཀྱི་ཕྱི་དྲིལ་ལས་ཁུངས་ནས་རྒྱ་གར་བྱང་ཕྱོགས་དང་བླངས་བོད་དོན་ཞུ་གཏུགས་ལས་འགུལ་སྤེལ་ཕྱོགས་ཀྱི་ཟབ་སྦྱོང་གོ་སྒྲིག་གནང་ཡོད། ཟབ་སྦྱོང་དེའི་ཐོག་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་རིང་ཆོས་འཕེལ་ལགས་སྐུ་མགྲོན་དུ་གདན་ཞུས་ཀྱིས་གཏམ་བཤད་གནང་ཡོད།
གཏམ་བཤད་ནང་ཁོང་གིས་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ངོ་སྤྲོད་དང་། བོད་དོན་འཐབ་རྩོད་ཀྱི་ལས་འགུལ་སྤེལ་ཕྱོགས་ཀྱི་ཐབས་ཇུས་སྐོར་རྒྱས་བཤད་གནང་བ་དང་། གཞོན་སྐྱེས་ཚོས་བོད་དོན་ལས་འགུལ་ལ་མཉམ་ཞུགས་བྱ་རྒྱུའི་གལ་ཆེའི་རང་བཞིན་ནན་བརྗོད་གནང་ཡོད།
