ཕྱི་ལོ་ ༢༠༢༦ ཟླ་ ༢ ཚེས་ ༢༧ ཉིན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་རིང་ཆོས་འཕེལ་ལགས་དང་། ཚོགས་གཞོན་བཀྲིས་རྟགས་རྒྱས་ལགས་རྣམ་གཉིས་དང་བོད་ཀྱི་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་དང་ལྷན་ཐའེ་ཝན་གྱི་ཁྲིམས་བཟོ་ལྷན་ཚོགས་ཀྱི་འཐུས་མི་དང་གྲོང་ཁྱེར་ལྷན་ཚོགས་ཀྱི་ཚོགས་མི་ཁག་ཅིག་དང་མཉམ་ཏུ་བོད་ཀྱི་གཞོན་ནུ་ལྷན་ཚོགས་ཀྱི་ལས་ཁུངས་སུ་མཇལ་འཕྲད་གནང་ཡོད་པ་དང་། ཐའེ་ཝན་གྱི་སྐུ་ཚབ་པའི་ཁྲོད་དུ་ཐའེ་ཝན་ཁྲིམས་བཟོ་ལྷན་ཚོགས་ཀྱི་འཐུས་མི་དང་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཝུ་པེ་ཡི་ལགས། ཚུན་ཆེན་ལགས་ཐའེ་ཝན་མང་གཙོ་ཚོགས་པའི་ཚོགས་གཞོན། ཧྥ་ཧུའེ་ཤེན་ལགས་ཐའེ་ཝན་ཁྲིམས་བཟོ་ལྷན་ཚོགས་ཀྱི་འཐུས་མི། ཅེན་ཆང་ལི་ལགས་ཐེ་པེ་གྲོང་ཁྱེར་ལྷན་ཚོགས་ཀྱི་འཐུས་མི། མོ་པོ་ཡ་ལགས་ཐེ་པེ་གྲོང་ཁྱེར་ལྷན་ཚོགས་ཀྱི་འཐུས་མི། ལའི་ཡུ་ཤེན་ལགས་སྐད་སྒྱུར་བ་བཅས་དང་། ཐའེ་ཝན་སྐུ་ཚབ་དོན་གཅོད་ཁང་ཀྱི་དྲུང་ཆེ་མི་འགྱུར་གཡུ་སྒྲོན་ལགས་བཅས་ཡོད།
ཚོགས་འདུའི་སྐབས་བོད་རང་དབང་འཐབ་རྩོད་ཀྱི་ནུས་པ་དང་མཉམ་ཞུགས་གནང་ཕྱོགས་སྐོར་ལ་བགྲོ་གླེང་གནང་ཡོད། ཐའེ་ཝན་གྱི་སྐུ་ཚབ་ཚོགས་པའི་ངོས་ནས་བོད་དོན་འཐབ་རྩོོད་ཐད་རྒྱབ་སྐྱོར་བྱས་པའི་ཉམས་མྱོང་དང་ལྟ་ཚུལ་ཡང་གསུང་གནང་ཡོད། ཚོགས་འདུ་མཇུག་བསྡུའི་སྐབས་བོད་ཀྱི་གཞོན་ནུ་ལྷན་ཚོགས་ཀྱིས་ཐའེ་ཝན་གཞུང་དང་མི་མང་ནས་བོད་དོན་ཐད་ད་བར་རྒྱབ་སྐྱོར་གནང་བར་ཐུགས་རྗེ་ཆེ་ཞུ་དང་། མུ་མཐུད་བོད་དོན་ལ་རྒྱབ་སྐྱོར་གནང་རྒྱུར་འབོད་སྐུལ་ཡང་ཞུས་ཡོད།
