ཕྱི་ལོ་ ༢༠༢༥ ཟླ་ ༡༢ ཚེས་ ༢ ཉིན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་མཆོག་དང་ཨུ་རུ་སུའི་རྒྱལ་ཁབ་ནས་ཕེབས་པའི་སྐུ་ཚབ་ཚོགས་པ་ཞིག་དང་མཇལ་འཕྲད་ཞུས་ཡོད། སྐུ་ཚབ་ཚོགས་པ་དེའི་ནང་རྒྱལ་དམངས་འཐུས་མི་ཚོགས་ཆེན་གྱི་རྒྱལ་སྤྱིའི་ལས་དོན་མཁས་པའི་ལྷན་ཚོགས་ཀྱི་ཚོགས་མི་སྐུ་ཞབས་བྷོ་རིས་ཊ་ར་སོ་དང་། འབྲེལ་མཐུད་འགན་འཛིན་ལྕམ་ལཱ་རི་ས་ཨེ་ཝན་སི་བཅས་ཡོད། སྐུ་ཚབ་ཚོགས་པ་དེར་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་དང་ལས་དོན་བྱ་ཕྱོགས་ངོ་སྤྲོད་དང་། བཙན་བྱོལ་བོད་མིའི་ལོ་རྒྱུས་དང་ད་ལྟའི་གནས་སྟངས། བོད་ནང་གི་ཛ་དྲག་གནས་སྟངས་བཅས་ཀྱི་སྐོར་ངོ་སྤྲོད་གནང་ཡོད།
དེ་རྗེས་རྒྱ་གར་གྲོས་ཚོགས་འོག་མའི་འཐུས་མི་སྐུ་ཞབས་ཇ་མིར་དང་། སྐུ་ཞབས་ཇི་ཧོ་སུ་ཡ་ཇེ་ན་གོ་སྒྲིག་དྲུང་ཆེ་བཅས་ལྷན་འཛོམས་ཀྱིས་ཚོགས་འདུ་ཞིག་ཀྱང་ཚོགས་ཡོད། ཚོགས་འདུའི་སྐབས་སུ་བོད་དོན་ལས་འགུལ་སྤེལ་ཕྱོགས་དང་བོད་ཀྱི་གཞོན་ནུ་ལྷན་ཚོགས་ཀྱི་ད་ལྟའི་ལས་འཆར་སྐོར་སོགས་ངོ་སྤྲོད་ཞིབ་ཕྲ་གནང་ཡོད།