དེ་རིང་ཕྱི་ལོ་ ༢༠༢༥ ཟླ་ ༡༡ ཚེས་ ༢༢ བོད་ཀྱི་གཞོན་ནུ་ལྷན་ཚོགས་ཀྱིས་བོད་ཀྱི་གཞུང་འབྲེལ་མིན་པའི་ཚོགས་པ་ཆེ་ཁག་ཅིག་ནས་བོད་ཀྱི་གཞོན་ནུ་ལྷན་ཚོགས་ཀྱི་ལས་ཁུངས་སུ་འདུ་འཛོམས་བྱས་ཏེ། ཨ་སི་ཊོ་ནི་ཡའི་གྲོས་ཚོགས་ཀྱི་འཐུས་མི་སྐུ་ཞབས་ཇུ་ཀུ་-ཁལ་རེ་ཌི་དང་། སྐུ་ཞབས་ཊི་ཊི་མཱ་རན། ལྕམ་སྐུ་ཧེ་ལྗོ་པིག་ཧོཕ། སྐུ་ཞབས་ཨན་ཊི་པོལ་མེ་ཊིས། སྐུ་ཞབས་མཱ་རེཀ་རེ་ནིཡས། ལྕམ་སྐུ་མཱར་གིཊ་སུ་ཊོ་རོ་པཱ་ལོང་བཅས་ལ་དགའ་བསུ་ཆེན་པོ་ཞུས་པ་མ་ཟད། རྒྱལ་སྤྱིའི་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་རྣམས་ཀྱང་མཉམ་ཞུགས་གནང་ཡོད།
ཚོགས་འདུའི་སྐབས་སུ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོས་བོད་དོན་ལ་རྒྱབ་སྐྱོར་བརྟན་པོ་གནང་བར་ཐུགས་རྗེ་ཆེ་ཞུས་པ་དང་། རྒྱ་ནག་དམར་ཤོག་ཚོགས་པའི་གནོན་ཤུགས་ལ་མ་ལྟོས་པར་བོད་མིའི་བཙན་བྱོལ་སྤྱི་ཚོགས་ཀྱི་སྙིང་པོ་དྷ་རམ་ས་ལར་ཕེབས་པར་བསྔགས་བརྗོད་གནང་། དེ་རྗེས་གུ་ཅུ་སུམ་དང་། བོད་ཀྱི་རྒྱལ་ཡོངས་མང་གཙོ་ཚོགས་པ། རྒྱ་གར་བོད་རང་བཙན་སློབ་ཕྲུག་ཚོགས་པ་བཅས་ཀྱིས་ངོ་སྤྲོད་མདོར་བསྡུས་གནང་།
སྐུ་ཞབས་ཊི་ཊི་མཱ་རན་གྱིས་གསུངས་དོན།
“ང་ཚོར་འདྲ་ས་མང་པོ་འདུག་ བོད་ཀྱི་འདས་པ་ (གུ་ཅུ་སུམ)། ད་ལྟ་ (བོད་རང་བཙན་སློབ་ཕྲུག་ཚོགས་པ།) མ་འོངས་པ་ (བོད་ཀྱི་རྒྱལ་ཡོངས་མང་གཙོ་ཚོགས་པ།) བཅས་འདིར་མཚོན་པ་དང་། ཚང་མ་བོད་ཀྱི་གཞོན་ནུ་ལྷན་ཚོགས་ཀྱི་ལམ་སྟོན་འོག་ཡོད་པ་མཐོང་སྐབས་དངོས་གནས་སྟོབས་ཤུགས་ཆེན་པོ་འདུག་”
བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོས་ཁོང་རྣམ་པར་གྲོས་ཚོགས་ནང་གི་གྲོས་འཆར་ལ་ཐུགས་རྗེ་ཆེ་ཞུས་པ་དང་། ཚོགས་འདུ་རྗེས་ལས་ཁུངས་སུ་ལྟ་སྐོར་དང་བཅས་ཏེ་མཇུག་བསྒྲིལ་ཞིང་། ཨ་སི་ཊོ་ནི་ཡའི་གྲོས་ཚོགས་ཀྱི་འཐུས་མི་རྣམ་ས་ནས་རྒྱལ་སྤྱིའི་ཞུ་གཏུག་ལས་འགུལ་སྔར་ལས་ཤུགས་ཆེ་རུ་གཏོང་བ་དང་། བོད་ནང་གི་བོད་མི་མང་གི་སྐུ་ཚབ་ཀྱིས་ཆབ་སྲིད་ཀྱི་འཐབ་རྩོད་ལས་འགུལ་སྤེལ་རྒྱུ་འི་དམ་བཅའ་བཅས་ཀྱི་ཐོག་ནས་མཇུག་བསྒྲིལ་ཡོད་