དེ་རིང་བོད་ཀྱི་གཞོན་ནུ་ལྷན་ཚོགས་ཀྱི་དབུས་རྒྱུན་རྣམས་དམིགས་བསལ་ཚོགས་འདུ་ཞིག་འཚོགས་ནས་ཚོགས་ཆེན་དང་འགན་འཛིན་ལྷན་ཚོགས་སྐབས་གཏན་འབེབས་བྱས་པའི་གྲོས་གཞི་དང་གྲོས་ཆོད་ཁག་ལ་བསྐྱར་ཞིབ་བྱས་ཡོད། ང་ཚོ་གཞོན་ལྷན་ཁྱིམ་ཚང་གཅིག་ཡིན་པའི་ཆ་ནས་བོད་དོན་འཐབ་རྩོད་ཀྱི་ལས་འགུལ་ལ་དམིགས་པའི་གྲོས་ཆོད་མང་པོ་མཉམ་དུ་བཞག་སྟེ་དེ་དག་ལག་བསྟར་བྱེད་པའི་འགན་འཁྲི་ང་ཚོར་སྤྲད་ཡོད། དབུས་རྒྱུན་ལས་ཁང་ནས་གྲོས་ཆོད་རེ་རེའི་དགོངས་དོན་རྣམས་དོན་འཁྱོལ་ལག་བསྟར་བྱེད་རྒྱུའི་སྤྱི་མོས་ཁས་ལེན་ཆ་ཚང་བྱས་ཡོད།
