ཕྱི་ལོ་ ༢༠༢༥ ཟླ་ ༡༢ ཚེས་ ༡༡ ཉིན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་དང་། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གྱི་འགན་འཛིན། རྒྱ་གར་བོད་རང་བཙན་སློབ་ཕྲུག་ཚོགས་པའི་ཚོགས་མི། དེ་བཞིན་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་སྐུ་ཚབ་བཅས་ཀྱིས་ཨོ་སི་ཊི་ལི་ཡ་དང་། ནིའུ་ཛི་ལན་ཌི། ཕི་ཇི་བཅས་ཀྱི་སྐུ་ཚབ་རྣམས་དང་མཉམ་དུ་དགོང་ཟས་བཞེས་པའི་གོ་སྐབས་བྱུང་། དེའི་ནང་ཨོ་སི་ཊི་ལི་ཡའི་གྲོས་ཚོགས་འཐུས་མི་སྐུ་ཞབས་བྷར་བྷ་ར་པོ་ཀོག་དང་ཁོང་གི་སྐུ་ཟླ་ཨི་ཡན། གྲོས་ཚོགས་འཐུས་མི་སྐུ་ཞབས་ཀེ་ཊི་ཆེ་ནེ་དང་སཱ་རཱ་ཝི་ཊི་དང་ཁོང་གི་སྐུ་ཟླ་པོལ། ནིའུ་ཛི་ལན་ཌིའི་གྲོས་ཚོགས་འཐུས་མི་ཌན་ཀན་ཝེབ་དང་གྷི་རེག་ཕི་ལེ་མིང་། ཕི་ཇིའི་གྲོས་ཚོགས་འཐུས་མི་ཝི་རེན་ཌི་ར་ལལ་བཅས་ཚུད་ཡོད། ང་ཚོར་བོད་ཀྱི་རང་དབང་འཐབ་རྩོད་དང་། བཙན་བྱོལ་སྤྱི་ཚོགས་ཀྱི་ལས་དོན། དེ་བཞིན་བོད་དོན་ཐོག་གི་རྒྱུན་མཐུད་ལས་འགུལ་བཅས་ཀྱི་སྐོར་ལ་གྲོས་བསྡུར་བྱེད་པའི་གོ་སྐབས་བྱུང་བ་དང། སྐུ་ཚབ་རྣམས་ཀྱིས་བཙན་བྱོལ་བོད་མི་སྤྱི་ཚོགས་ཀྱི་ཉམས་མྱོང་དང་ལྟ་ཚུལ་ཡང་གྲོས་བསྡུར་བྱུང་།
