དེ་རིང་ཕྱི་ལོ་ ༢༠༢༥ ཟླ་ ༡༢ ཚེས་ ༥ ཉིན་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་དང་། འཕགས་བོད་མཛའ་འབྲེལ་ཚོགས་པའི་སྤྱི་ཁྱབ་དྲུང་ཆེ་སྐུ་ཞབས་པན་ཀ་ཇ་གོ་ཡལ་མཆོག་དང་ལྷན་རྒྱ་གར་ནང་བོད་ཀྱི་འཐབ་རྩོད་སྲ་བརྟན་གཏོང་ཐབས་དང་།
ལྷག་པར་དུ་རྒྱ་གར་ནང་གི་བོད་དོན་རྒྱབ་སྐྱོར་ཚོགས་པ་ཁག་དང་འཕགས་བོད་མཛའ་འབྲེལ་ཚོགས་པར་མུ་མཐུད་མཉམ་ལས་བྱས་པའི་ཐོག་མཉམ་འབྲེལ་དང་འཐབ་ཇུས་ཀྱི་ལས་འཆར་གསར་པ་ཁག་གཅིག་ཐད་གྲོས་བསྡུར་གང་ལེགས་བྱུང་བ་དང་།
དེ་སྐབས་བོད་རང་བཙན་འཐབ་རྩོད་ཐད་རྒྱུན་རིང་རྒྱབ་སྐྱོར་བརྟན་པོ་གནང་བར་ཐུགས་རྗེ་ཆེ་ཞུ་དང་། བཀའ་དྲིན་རྗེས་དྲན་གྱི་དྲན་རྟེན་ཕྱག་འཁྱེར་ཞིག་ཀྱང་ཕུལ་རྒྱུ་བྱུང་ཡོད།